sattakaran.in

Category: मुख्य बातम्या

  • शरद पवारांकडुन ‘त्या’ घटनाबाह्य कृतीचे समर्थन

    शरद पवारांकडुन ‘त्या’ घटनाबाह्य कृतीचे समर्थन

    छत्रपती संभाजीनगर : टीम सत्ताकारण

    Maratha Reservation | २३ मार्च १९९४- शरद पवारांची घटनाबाह्य कृती, पदाचा गैरवापर आणि अन्यायाची परिसीमा.. याविषयी माझी कोर्टात याचिका असुन याबद्दलचे सगळे तपशील मांडले जातीलच. पण नामदेव जाधव यांच्या निमित्ताने त्या घटनाबाह्य कृतीचे समर्थन केले जात असल्याचा आरोप मराठा आरक्षणासाठी न्यायालयीन लढा देणार्या बाळासाहेब  सराटे यांनी पवारांवर केला आहे.

    याबाबत श्री. सराटे यांनी माध्यमांना दिलेल्या निवेदनात म्हटले, की फार तर “प्रशासनिक अधिकारी, भुजबळ वगैरे लोकांनी चुकीची माहिती दिल्यामुळे ती कृती घडली होती” एवढे तरी शरद पवारांनी समोर येऊन सांगण्याचे औदार्य दाखवायला पाहिजे. ज्या गोष्टीचा परिणाम वर्तमान परिस्थिती मध्ये होतो, ती गोष्ट जुन्या काळात सुरू झाली म्हणून सोडून देता येत नाही. त्या गोष्टीला आव्हान देऊन त्याचा परिणाम थांबविणे न्याय्य ठरते.

    मराठा कुणबी समाजाच्या न्यायाच्या आड ज्या गोष्टी येतात किंवा येतील त्याला आव्हान देऊन न्याय मिळविणे हे एक मराठा कुणबी म्हणून आपले आद्य कर्तव्य आहे. यात कोणत्याही प्रकारे व्यक्तिद्वेष नाही. कोणाचा अनादर करण्यासाठी नव्हे तर समाजाच्या न्यायासाठी ही लढाई आहे. आम्ही ती लढत राहू,  असेही श्री. सराटे यांनी स्पष्ट केले आहे.

  • सरकार पुन्हा अंतरवालीत; जरांगे पाटलाच्या भुमिकेकडे राज्याचे लक्ष

    सरकार पुन्हा अंतरवालीत; जरांगे पाटलाच्या भुमिकेकडे राज्याचे लक्ष

    छत्रपती संभाजीनगर : राजेभाऊ मोगल

    Maratha Reservation | मराठा आरक्षणासाठी गेल्या नऊ दिवसांपासून मनोज जरांगे पाटील यांनी सुरू केलेल्या अन्नत्याग उपोषणाने सरकारची झोप उडाली आहे. यावर तोडगा काढण्यासाठी बोलावण्यात आलेल्या बुधवारी (ता.१) सर्वपक्षीय बैठकीत उपोषण मागे घ्यावे, असा ठराव घेण्यात आला.  मात्र, जरांगे पाटील आपल्या मागण्यावर ठाम आहेत. त्यामुळे कोंडीत सापडलेल्या सरकारने गुरुवारी (ता.२) जरांगे पाटील यांच्या भेटीसाठी शिष्टमंडळ पाठवले असुन ते अंतरवाली सराटीत दाखल झाले आहे.  त्यांनी आरक्षणाबाबत काही ठोस आश्वासन दिले तरच जरांगे पाटील त्यांना प्रतिसाद देतील, नाही तर या शिष्टमंडळास हात हालवत परतावे लागेल, नेमके काय होतेय? हे काही वेळातच समोर येणार आहे.

    मराठा आरक्षणासाठी मागील काही महिन्यांपासून जरांगे पाटील यांनी आर- पारची लढाई सुरू केली आहे. जालना जिल्ह्यातील अंबड तालुक्यातील अंतरवाली सराटी येथे अमरण उपोषण सुरू केले आहे. पहिल्या टप्प्यात या उपोषणाच्या ठिकाणी सरकारमधील अनेकांनी भेटी दिल्य. उपोषण मागे घ्यावे, यासाठीही मोठे प्रयत्न केले. मात्र, याच दरम्यान मंत्री गिरीश महाजन यांनी मध्यस्थी करत न्यायालयात टिकेल, असे आरक्षण देण्यासाठी आम्हाला एका महिन्याचा अवधी द्या, अशी विनंती केली होती. त्यानंतर जरांगे पाटील यांनी ४० दिवसांचा अवधी दिला होता. मात्र, या ४० दिवसांत सरकारकडून काहीही हालचाली न झाल्याने जरांगे पाटील (Manoj Jarange Patil) यांनी दुसऱ्या टप्प्यातील आंदोलन सुरू केले.

    या आंदोलनाचा आज नववा दिवस असून या आंदोलनास राज्यभरातून जोरदार प्रतिसाद मिळत आहे. गेल्या तीन दिवसांपूर्वी बीड जिल्ह्यात आमदार प्रकाश सोळंके, आमदार संदीप क्षीरसागर, माजी मंत्री जयदत्त क्षीरसागर, धैर्यशील सोळंके यांच्याघरांसह समता परिषदेचे जिल्हाध्यक्ष सुभाष राऊत यांची हॉटेल पेटुन देण्यात आली. या जाळपोळीच्या घटनेनंतर खडबडून जागे झालेल्या सरकारने काल बुधवारी तातडीने सह्याद्रीवर राज्यातील सर्वपक्षीय नेत्यांना बोलावत बैठक घेतली.

    या बैठकीत जरांगे पाटील यांनी उपोषण मागे घ्यावे, सरकारला सहकार्य करावे, असा ठराव घेतला. मात्र, हा ठराव देखील जरांगे पाटील यांनी धुडकावून लावला. सरसकट मराठा समाजाला कुणबी म्हणून आरक्षण द्यावे, तसे प्रमाणपत्र वाटप सुरू करावे, या मागणीवर आपण ठाम असल्याचे दाखवून दिले. त्यामुळे सरकारची मोठी कोंडी झाली असून आता ही कोंडी सोडवायची कशी, यासाठी वेगवेगळ्या पद्धतीने प्रयत्न सुरू आहेत. याचाच एक भाग म्हणून आज गुरुवारी एक शिष्ट मंडळ अंतरवाली सराटी येथे पाठवले आहे.

    या शिष्टमंडळात आयोगाचे माजी न्यायमुर्ती एम. जी. गायकवाड, आनंद निगुर्डे, मंत्री धनंजय मुंडे, मंत्री अतुल सावे,  मंत्री उदय सामंत,  आमदार बच्चू कडू, नारायण कुचे यांचा समावेश समावेश आहे. या शिष्टमंडळास जरांगे पाटील यांचे मन वळविण्यात किती यश येते, की पुन्हा रिकाम्या हाताने परतावे लागते? हे काही वेळातच समोर येणार आहे.

  • आरक्षण घेतल्याशिवाय मागे हटणार नाही- जरांगे पाटील संतापले

    आरक्षण घेतल्याशिवाय मागे हटणार नाही- जरांगे पाटील संतापले

    छत्रपती संभाजीनगर : याेगेश कदम 

    Maratha Reservation | तुम्ही तीस दिवस मागितले होते, मी ४० दिवस दिले. या ४० दिवसात तुम्ही काय केले? असा प्रश्न उपस्थित करीत आता आरक्षण घेतल्याशिवाय मी मागे हटणार नाही, असा पवित्रा मराठा योद्धा मनोज जरांगे पाटील (Manoj Jarange Patil) यांनी घेतला आहे.

    अंतरवाली सराटी येथे जरांगे पाटील यांनी ४० दिवसानंतर पुन्हा आंदोलनाला सुरुवात केलेली असून आज मंगळवारी आंदोलनाचा आठवा दिवस आहे. सरकारने ४० दिवस मागून घेतल्यानंतर कुठलीही सकारात्मक घोषणा केली नाही. या ४० दिवसाच्या काळात जरांगे पाटील यांनी राज्यभर दौरे केले. त्यानंतर आंदोलनाचा दुसरा टप्पा सुरू झाला. या काळात सरकारकडून फारसे प्रयत्न न झाल्याने, शिवाय केवळ ज्यांच्या नोंदी सापडल्या त्यांनाच कुणबी प्रमाणपत्राचे वाटप करू, अशी भूमिका सरकारने घेतल्यामुळे जरांगे पाटील संतापले आहेत.

    पत्रकारांशी बोलताना ते म्हणाले, अर्धवट आरक्षण आम्ही घेणार नाही. मला केवळ मराठवाड्यातील मराठ्यांना नव्हे तर राज्यभरातील सरसकट मराठ्यांना कुणबी म्हणून आरक्षण हवे आहे. हे आंदोलन आरक्षण मिळाल्याशिवाय थांबणार नाही. आंदोलन उधळण्याचा प्रयत्न कोणीही करू नये. या आंदोलनादरम्यान पोलीस यंत्रणा सरकारसोबत आहे. शांततेत आंदोलन करणाऱ्यांना देखील हे सरकार पोलिसांना सांगून मारहाण करीत आहे. यामागे उपमुख्यमंत्र्याचा डाव आहे, असा आरोपही जरांगे पाटील यांनी केला आहे.

    आंदोलन थांबविण्यासाठी सरकारकडून वेगवेगळ्या पद्धतीचे प्रयत्न चालू आहेत. आंदोलन बंद करण्याची भूमिका सरकारने घेतली असून ती समाजाला मान्य नाही. सरसकट आरक्षण द्या; अन्यथा आज संध्याकाळपासून आपण जलत्याग करणार आहोत. असे असे सांगत हे आंदोलन आता थांबणार नाही, अशी स्पष्ट भूमिका त्यांनी घेतली आहे.

  • आरक्षणाच्या रस्त्यात कुणी निर्माण केले कायदेशीर अडथळे?

    आरक्षणाच्या रस्त्यात कुणी निर्माण केले कायदेशीर अडथळे?

    छत्रपती संभाजीनगर : टीम सत्ताकारण

    प्रामाणिक व तत्त्वनिष्ठ समाज घटक म्हणून आम्ही मनोज जरांगे पाटील यांच्या खांद्याला खांदा लावून आंदोलनात सहभागी आहोत. आरक्षणाच्या रस्त्यात कुणी-कुणी कायदेशीर अडथळे निर्माण केले, हे आता राज्यातील समाजबांधवांना कळाले आहे. जरांगे पाटील, आम्ही आपल्या सोबत आहोत. मात्र, आंदोलनाचा शेवट निराशेत व्हायला नको. अशी अपेक्षा मराठा क्रांती मोर्चा समन्वयक, शिवप्रहार संघटनेचे प्रदेश सरचिटणीस प्रशांत इंगळे यांनी व्यक्त केली.

    याबाबत श्री. इंगळे यांनी लिहलेली फेसबुक पोस्ट चर्चेत आली आहे. ते म्हणतात, या आंदोलनाचा शेवट काय होईल? अथवा सरसकट कुणबी म्हणून प्रमाणपत्र सरकार देऊ शकेल का? अथवा सरसकट मराठा समाजाला ओबीसीत समाविष्ट करू शकेल का? ही सामान्य कार्यकर्ता म्हणून शंका आहे. गायकवाड आयोगाच्या शिफारशी सुप्रीम कोर्टात मांडताना जवळपास पाचशे पानाचा इंग्रजी अनुवाद करण्यात उपसमितीचे तत्कालीन अध्यक्ष माजी मुख्यमंत्री अशोक चव्हाण व सरकार कमी पडले.

    कोरोनाच्या काळात सुप्रीम कोर्टाची ऑनलाइन सुणावनी सुरू असताना तत्कालीन सरकार सपशेल कमी पडले. त्यावर कळस म्हणून मागासवर्गीय आयोग नेमताना लक्ष्मण हाके व बबनराव तायवाडे यांच्यासारखे मराठा द्वेष करणारे ओबीसीनेते सदस्य म्हणून नियुक्त केले. हे सर्व पाप अशोक चव्हाण यांचे आहे. सद्यस्थितीत मराठा आरक्षणाचा पेच किचकट केला आहे. मंत्री चंद्रकांत पाटील यांच्या सारख्या राजकीय नेत्यांनी काही समन्वयकांच्या तोंडाला आर्थिक रसदचे रक्त लावून बाटवले. म्हणून अशा बाटग्या समन्वयकावर लोकांचा रोष असल्यामुळेच ग्रामीण भागातून तसेच शहराच्या विविध भागातून जरांगे पाटील यांच्या आंदोलनाला उत्स्फूर्त प्रतिसाद मिळत आहे.

    मात्र, या आंदोलनाचा शेवट निराशात होऊ नये, अशी आशा करूया!. मुख्यमंत्री एकनाथ शिंदे आरक्षणाप्रती प्रचंड प्रामाणिक आहेत, असे सद्यस्थितीत दिसून येत आहे. परंतु त्यांना अनेक किचकट कायदेशीर अडथळ्यांना सामोरे जावे लागत आहे. हेही तेवढेच खरे. क्युरेटीव्ह पिटीशन परत दाखल करून खेळत ठेवून त्यावर परत लोकसभेच्या व विधानसभेच्या निवडणुका काढण्याचा कट भाजपनी रचू नये, अशी अपेक्षा.

    टिकणारे व कायदेशीर आरक्षण याचा मार्ग मागासवर्गीय आयोगाचा अहवाल यातूनच जातो हेही तेवढेच खरे. परंतु नऊ पैकी आठ मागासवर्गीय आयोगाचे सदस्य मराठा विरोधक व पूर्वग्रह दूषित असल्यामुळे तेथेही आडकाठी निर्माण झाली आहे, हे वास्तव असल्याचेही श्री. इंगळे यांनी म्हटले आहे.

  • मराठा आरक्षणासाठी विनोद पाटलांनी आमदारकी सोडली!

    मराठा आरक्षणासाठी विनोद पाटलांनी आमदारकी सोडली!

    छत्रपती संभाजीनगर : टीम सत्ताकारण

    मराठा आरक्षण याचिकाकर्ते विनोद पाटील यांना विद्यमान विरोधी पक्षनेते अंबादास दानवे यांच्या ऐवजी विधानपरिषदेची ॲाफर होती. शिवसेना पक्षप्रमुख उद्धव ठाकरे तसेच छत्रपती संभाजीनगरचे तत्कालीन पालकमंत्री व विद्यमान मुख्यमंत्री एकनाथ शिंदे यांची प्रथम पसंती होती. पाटील यांनी समाजाच्या प्रश्नासाठी तुर्तास मला काहीही नको, अशी भूमिका घेतली होती. याबाबत त्यांनी कुठे वाच्यताही देखील केली नव्हती. परंतु, याबाबत माजी खासदार चंद्रकांत खैरे यांनीच गौप्यस्फोट केला आहे.

    मराठा आरक्षणाचे याचिकाकर्ते तथा मराठा क्रांती मोर्चा समन्वयक विनोद पाटील प्रतिवर्षी त्यांच्या अजिंक्य देवगिरी निवासस्थानी गणेशोत्सव मोठ्या उत्साहात साजरा करतात. दोन दिवसांपूर्वी शिवसेना नेते माजी खासदार चंद्रकांत खैरे हे पाटील यांच्या निवासस्थानी गणपती दर्शनासाठी आले होते. यावेळी खैरे यांनी सर्वांना गणेशोत्सवाच्या शुभेच्छा दिल्या तसेच बोलताना मोठा गौप्यस्फोट केला.

    शिवसेनेच्या फुटी अगोदर मराठा आरक्षण याचिकाकर्ते पाटील यांना विद्यमान विरोधी पक्षनेते अंबादास दानवे यांच्या ऐवजी विधानपरिषदेची ऑफर होती. शिवसेना पक्षप्रमुख उद्धव ठाकरे तसेच छत्रपती संभाजीनगरचे तत्कालीन पालकमंत्री व विद्यमान मुख्यमंत्री एकनाथ शिंदे यांची प्रथम पसंती पाटील यांना होती. तेव्हा त्यांना शिवसेनेकडून विधान परिषदेच्या आमदारकीची विचारणा सुध्दा झाली होती. परंतु पाटील यांनी समाजाच्या प्रश्नासाठी तुर्तास विधानपरिषदेसाठी नकार दिला होता. त्यामुळे सध्याचे विरोधी पक्षनेते अंबादास दानवे यांना उमेदवारी मिळाली. दानवे यांच्या निवडणुकीची जबाबदारी सुद्धा पाटील यांच्यावरच सोपवली होती. अशीही माहितीही पुढे आली. खैरे यांच्या वक्तव्याने मोठा गौप्यस्फोट समोर आला.

    दरम्यान, याबाबत श्री. पाटील म्हणाले, शिवसेना पक्षप्रमुख उद्धव ठाकरे व विद्यमान मुख्यमंत्री एकनाथ शिंदे यांनी मला विधान परिषदेची उमेदवारी देऊ केली होती. परंतू मी मराठा समाजाच्या चळवळीसाठी त्यास विनम्र नकार दिला. खरतर आजपर्यंत मी या गोष्टीची कुठेही चर्चा केली नव्हती, मात्र खैरे साहेबांच म्हणणं खर आहे. त्यावेळी शिवसेना पक्षाकडून मला अशी संधी देऊ केली होती. मी नकार दिल्याने श्री. दानवे यांना ही संधी देण्यात आली, ते आमदार झाले, विरोधी पक्षनेते देखील झाले.
    कोणत्याही पक्षाचा झेंडा घेतला तर त्याचे नियम बंधन पाळावे लागतात, त्यांच्या सूचनेप्रमाणे चालावं लागत. त्यावेळी समाजाची न्यायालयीन लढाई मी लढत होतो, त्यामुळे त्यावेळी मला पक्षीय निर्णय घेणे योग्य वाटले नाही म्हणून मी त्यास विनम्रपणे नकार दिला, असे स्पष्ट केला. आगामी काळात श्री. पाटील कोणता निर्णय घेतात, कोणता पक्ष त्यांच्यावर कुठली जबाबदारी टाकतो, हे पाहणे महत्वाचे ठरणार आहे.

  • Naresh Maske | “रेड्यांनी शिंगे उगारली की…”; राऊतांच्या ‘त्या’ वक्तव्यावर शिंदे गटाचे सडेतोड प्रत्युत्तर 

    Naresh Maske | “रेड्यांनी शिंगे उगारली की…”; राऊतांच्या ‘त्या’ वक्तव्यावर शिंदे गटाचे सडेतोड प्रत्युत्तर 

    Naresh Maske | मुंबई : मुख्यमंत्री एकनाथ शिंदे आपल्या सर्व 50 आमदारांसह पुन्हा गुवाहाटीला जाणार असल्याच्या बातम्या गेल्या काही दिवसांपासून वारंवार समोर येत होत्या. ही गुवाहाटीवारी आसाममधील प्रसिद्ध कामाख्या देवीचे दर्शन घेण्यासाठी आहे. यावरून शिवसेना ( उद्धव बाळासाहेब ठाकरे ) खासदार संजय राऊत (Sanjay Raut) यांनी शिंदे गटावर टीका केली होती. त्यांच्या या टीकेला शिंदे गटाचे प्रवक्ते नरेश मस्के (Naresh Maske) यांनी संजय राऊतांना प्रत्युत्तर दिलं आहे.

    ते म्हणाले, “आवाजही न फुटणाऱ्या बावळट पेंग्विनपेक्षा रेडे परवडले. रेड्यांनी शिंगे उगारली की बिळात जाऊन लपू नका.” त्याचबरोबर लहान मुले खेळण्यातील सुदर्शन चक्र फिरवतात, तसेच त्यांच्या हातात आहे. एक फुंकर मारली की ते उडून जाईल,” असा टोलाही नरेश मस्के यांनी लगावला आहे.

    दरम्यान त्यांच्या या वक्तव्यावर शिंदे गटातील आमदार संजय गायकवाड (Sanjay Gaikwad) चांगलेच संतापले आहे. त्यांनी संजय राऊत यांच्यावर जोरदार पलटवार केला आहे. संजय गायकवाड म्हणाले, “संजय राऊत यांनी ५० रेडे गुवाहाटीला चालले आणि आमचे सुदर्शन चक्र त्याचा नायनाट करेल, अशी भाषा वापरली. ते आम्हाला रेडेच म्हणत असतील तर कदाचित आम्ही ज्ञानेश्वर माऊलींनी ज्या रेड्यांच्या तोंडून वेद बोलावले असतील तो हिंदुत्वाचा वेद म्हणणारे रेडे नक्कीच आहोत.

    पुढे ते म्हणाले, “तुम्ही सारखे आम्हाला रेडे म्हणता तुमची औकाद एखाद्या गावात सांडासारखा मोकाट बोकड सोडलेला असतो. ज्याला कोणी कापत सुद्धा नाही. ज्याचा वास येतो, ज्यावा कोणी स्पर्श करत नाही. अशा बोकडांची तुम्ही औलाद आहात.”

    काय म्हणाले होते संजय राऊत?

    “शिवसेनेच्या स्थापनेनंतर १८० सेना निघाल्या. पण दोनच टिकल्या एक भारतीय सेना आणि दुसरी आपली शिवसेना. काही लोक म्हणत आहेत की, २०१९ चा बदला आता घेतला, मात्र शिवसेनेचा बदला घेणाऱ्यांची १०० पितरं खाली यायला पाहिजेत. बदला तर आम्ही घेणार. या मुंबईसाठी पन्नास वर्षे शिवसेनेने रक्ताचे पाणी करून तुम्हाला मोठं केलं मात्र तुम्ही शिवसेना फोडली नाही तर, तुमचे नशीब फोडले आहे. या पुढे आपल्या नशिबात दिवाळी आणि इतरांच्या होळी असेल.”

    महत्वाच्या बातम्या :

  • Kiran Pavaskar | “मुद्दा एकाच, माझ्या बाबांना मुख्यमंत्री करा”; शिंदे गटातील नेत्याचा आदित्य ठाकरेंना टोला 

    Kiran Pavaskar | “मुद्दा एकाच, माझ्या बाबांना मुख्यमंत्री करा”; शिंदे गटातील नेत्याचा आदित्य ठाकरेंना टोला 

    Kiran Pavaskar | मुंबई : शिवसेना उद्धव बाळासाहेब ठाकरे पक्षाचे युवा नेते आदित्य ठाकरे (Aditya Thackeray) हे वरळी (Waroli) येथील आमदार आहेत. आमदार पदाच्या तिसऱ्या वर्षपूर्तीनिमित्ताने माजी मंत्री आणि स्थानिक आमदार आदित्य ठाकरे यांनी वरळीकारांशी पत्राद्वारे संवाद साधला. वरळीकरांना भावनीक साद घालत त्यांनी अप्रत्यक्षरित्या एकनाथ शिंदे गटावर देखील टीका केली.  शिंदे गटाचे प्रवक्ते किरण पावसकर Kiran Pavaskar) यांनी प्रत्युत्तर देत आदित्य ठाकरे (Aditya Thackeray) यांच्यावर टीका केलीय.

    ते म्हणाले, “आदित्य ठाकरे ते तोडगा काढू शकले नाही. पण, त्यांनी पत्र लिहिलं. भावनिक पत्र लिहायची. भावनिक आवाहन करून मतही घ्यायची. कधी आम्हाला त्रास कसा होतो, हे दाखवायचं. कधी बाळासाहेब ठाकरे यांचं नाव सांगायचं. कधी वडील आजार आहेत, हे दाखवायचं. पण, मुद्दा एकच आहे, माझ्या बाबांना मुख्यमंत्री करा. प्रश्न कुठलेचं सोडवायचे नाहीत. तो प्रश्न आज मुख्यमंत्री एकनाथ शिंदे यांनी सोडविला.”

    यावेळी बोलताना त्यांनी संजय राऊत यांच्यावर देखील निशाणा साधला. “महाआघाडीचे प्रवक्ते म्हणून संजय राऊत हे काम बघतात. कोणी काही वाईट बोललं की, महाराष्ट्राची संस्कृती काय हे समोर येते. सुसंस्कृतपणा दाखविला जातो.”

    दुसऱ्यांना रेडे-म्हशी म्हणा. हा यांचा सुसंस्कृतपणा आहे. त्यामुळं ते कितीही बाहेर आले. आतमध्ये गेले. बाहेर आले. पुन्हा आतमध्ये गेले. तरी ते सुधारतील, असं वाटतं नाही, असं म्हणत किरण पावसकर यांनी संजय राऊतांवर टीका केलीय.

    महत्वाच्या बातम्या :

  • Nitin Gadkari | राज्यपालांच्या वक्तव्यावर गडकरींची पहिली प्रतिक्रिया; म्हणाले,

    Nitin Gadkari | राज्यपालांच्या वक्तव्यावर गडकरींची पहिली प्रतिक्रिया; म्हणाले,

    Nitin Gadkari | मुंबई : अनेक नेत्यांच्या वादग्रस्त वक्तव्यांमुळे सध्या राजकीय वातावरण तापलेलं आहे. काँग्रेस खासदार राहुल गांधी (Rahul Gandhi) यांनी स्वातंत्र्यवीर सावरकर ब्रिटिशांकडून पेन्शन घ्यायचे, त्यांनी ब्रिटिशांची माफी मागितली होती, असं विधान केलं. त्यावरून वाद चालू असताना सावरकरांचे नातू रणजीत सावरकर (Ranjeet Savarkar) यांनी “एका महिलेसाठी नेहरूंनी देशाची फाळणी केली”, असं वक्तव्य केलं.

    हे वाद ताजे असतानाच आता राज्यपाल भगतसिंह कोश्यारी (Bhagatsingh Koshyari) यांनी मराठवाडा विद्यापीठाच्या एका कार्यक्रमात बोलताना थेट छत्रपती शिवाजी महाराजांविषयी वादग्रस्त वक्तव्य केलं. छत्रपती शिवाजी महाराजांविषयी अवमानकारक वक्तव्य करणाऱ्या राज्यपाल भगतसिंह कोश्यारींविरोधात शिवसेनेबरोबरच काँग्रेस आणि राष्ट्रवादी काँग्रेसने आक्रमक पवित्रा घेतल्याचं पाहायला मिळालं. नितीन गडकरी (Nitin Gadkari) यांनी या प्रकरणावर सूचक पद्धतीने पहिल्यांदाच प्रतिक्रिया दिली आहे.

    ऑफिस ऑफ नितीन गडकरी म्हणजेच गडकरींच्या कार्यालयीन ट्विटर हॅण्डलवरुन एक ३० सेकंदांचा व्हिडीओ पोस्ट करण्यात आला आहे. या व्हिडीओमध्ये नितीन गडकरी छत्रपती शिवाजी महाराजांबद्दल बोलताना दिसत आहेत. “छत्रपती शिवाजी महाराज आमचं दैवत आहे हो! आमच्या आई-वडिलांपेक्षाही छत्रपती शिवाजी महाराजांवर आमची निष्ठा आहे. कारण त्यांचं जीवन आमचं आदर्श आहे,” असं गडकरी यांनी या व्हिडीओमध्ये म्हंटल आहे.

     

    पुढे बोलताना शिवरायांचं गुणगाण गडकरींनी गायलं आहे. “यशवंत! कीर्तिवंत! वरदवंत! सामर्थ्यवंत! जाणता राजा!! निश्चयाचा महामेरु ! बहुत जनासी आधारू ! अखंडस्थितीचा निर्धारु ! श्रीमंत योगी !!,” असं गडकरी अगदी हातवारे करुन म्हणतात. तसेच हसून त्यांनी, “डीएड-बीएड करणारा राजा नव्हता, वेळ पडली तर आपल्या मुलालाही कठोर शिक्षा देणारा राजा होता,” असंही महाराजांबद्दल म्हटलं आहे. “छत्रपती शिवाजी महाराज आमचं दैवत,” असं कॅप्शन टाकत त्यांनी हा व्हिडीओ पोस्ट केला आहे.

    महत्वाच्या बातम्या :

  • Chitra Wagh | सुप्रिया सुळेंच्या ‘त्या’ वक्तव्यावर चित्रा वाघ यांचं प्रत्युत्तर, म्हणाले…

    Chitra Wagh | सुप्रिया सुळेंच्या ‘त्या’ वक्तव्यावर चित्रा वाघ यांचं प्रत्युत्तर, म्हणाले…

    Chitra Wagh | मुंबई : संभाजी भिडे यांनी काही दिवसांपुर्वी एका महिला पत्रकाराला कुंकू लाव मग बोलेल असं म्हणत वातावरण तापवलेलं होतं. यावर प्रतिक्रिया देताना राष्ट्रवादी (NCP) खासदार सुप्रिया सुळे (Supriya Sule) यांनी देखील त्यांची पाठराखण केली होती. यालाच आता भाजप (BJP) नेत्या चित्रा वाघ (Chitra Wagh) यांनी प्रत्युत्तर दिलं होतं.

    यावेळी, माझं भाषण नीट ऐका, एकूण 35 मिनिटांचं भाषण होतं. माझी विनंती आहे की, पूर्ण ऐकावं. थोडा वेळ पाहून ऐका त्यात मी काय म्हटलं. मी सविधानावर विश्वास ठेवणारी आहे. माझ्यावर टीका करण्याचा अधिकार आहे, ते आमचे विरोधक करत आहे. ते आमचं काही कौतुक करणार नाही. त्यांनी फार टीका केली त्या त्याबद्दल काही वाटत नाही. माझी आई नेहमी सांगते निंदकाचे घर हे शेजारी असावे, ते विरोधक काम पूर्ण करत आहे. आज टेक्नॉलाजी वाढली आहे. पण त्याचा गैर वापर होत आहे. जर 35 मिनिटांचं भाषण हे 17 सेकंदाचं सांगत असेल तर त्यांना माझ्या शुभेच्छा आहे, अशा टोला चित्रा वाघ यांनी सुप्रिया सुळेंना लगावला आहे.

    दरम्यान, चॅनलमधल्या मुली साडी का नाही नेसत? शर्ट आणि ट्राऊजर का घालतात? मराठी भाषा बोलताना? मग मराठी संस्कृतीसारखे कपडे आपण का नाही घालत? आपण सगळ्या गोष्टींचं वेस्टर्नायझेशन करतोय, अशी प्रतिक्रिया सुप्रिया सुळे यांनी दिली होती.

    महत्वाच्या बातम्या :

hacklink Porno siteleri HDRaja567casinojojobetjojobet